مـسـاء عــدنــي

الأربعاء 25 نوفمبر 2020 8:33

ثلاثة أصدقاء من عدن راحو يخزنون البحر خلف قلعة صيرة فرشوا قطيفه ومداكي وعمود خشبي فوقه سراج وترمس قهوة ومسجله صغيره أمامهم البحر والامواج وقوارب الصيد وفوقهم صيره وضوء الشمس تتوسط سماء عدن يغني بن قاسم يا ساحل أبين بنى العشاق فيك معبد في صيره تترقرق تسكب هواك كله يقول ادهم: اه وابوي ما اروع عدن جنة الارض سامر: مالك قده قاتك لمس ولايقلب شي وانت تتوجع كأن قاتك عسلي ادهم: الا يالله من المناقره قاتي قرح مش كما حقك فرافر قيقي بيقي..وراح يغني ياورد ياكاذي الا ياموز يامشمش. سامر: ذحين باتخلي قاتي يمسك اوكيف دوخت بعارينا اهدأ ادهم: داري قاتك حلص الله يخلي الحجة جابت لك دبتين قهوه اشرب لما تقرح ابوه القات هههههه سامر يهمس ل أدهم.. امانه عليك شوف نادر ايش يعمل..ويؤشر على صاحبهم معه منظار يشاهد البحر ويقول: (( الله ركنية من حسين فرحان للسبوع جووووول الله ياتلال الجماهير تهتف والملعب مزحوم جوووول. ادهم: مالك يابن شعيب جبتولي صمرقع اش من قات معكم ويضحك سامر نادر: انتو عجاز انا اعيش لحظة فلكية يطلق عليها العلماء(لحظة التخاطر) يعني الان اتفرج مباراة الزمن الجميل لكن انتو ماتشوفوها اغبياء). ادهم: ياسامر قم شوف نوع القات حقه جاب لأمي الجنان قدنا اشوف الصلعه مش من فراغ فيها مركز الأرض العلمي هههههههه ويقول له شف من هاديك السفينةجاء الكابتن هنس كيه شوف يمكن كابتن هنس ثاني. واجي يخارجنا من دي البلاد ههههههه. سامر مدكي يقول: يابحر عدن الممتد لشقره ارجوك اسحب الي يتقاتلو جابو لأمي الضيقِ امانتك يابحر تسوي جماله اقفز اطنشهم واعمي ابتهم وعطل بنادقهم وطلعهم بسفينة لموزمبيق. ادهم: بررررع طلعت انا هبيلة قاتي خلص قاتهم قوي ههههه يغني بلفقيه يادوب مرت علي اربع وعشرين ساعه فجأه سمعو خبر عاصفه. سامر: اوه اش رايكم اتصل بالطوارئ يخبو أبراج الكهرباء باتسحبه العاصفة وبتقع توظيفه. ادهم:انته دوخه اهدا شف القمر والنجوم والجمال. نادر مع المنظار يقول الله احمدي ووجدان يتناقلوها الله يحطها الاحمدي جووووول تعادل ياحلاوه يا اخضر. ادهم :لو اجي معكم مره ثانيه للبحر اقطعو رقبتي ويضحك هههههه. وفجأة تهب عاصفة يصيح ادهم فين قلاصات بتدوخ بي زينب..يشقره سامر انت جبان ههههه عدن حكاية البسطاء قلوب عاشقة للسلم يعيشو تحت رعاية الله لا تهمهم سلطة ولا زعيق ولا نعيق حفظ الله عدن وأهلها.

صحيفة عدن الحدث

الاعداد السابقة

اتبعنا على فيسبوك

اتبعنا على تويتر